« Nonparametric estimation of highly oscillatory signals | Main | Ráðstefna um þráðlaus fjarskipti »
Hagnýt stýrikerfi byggð á tímasvörunum kerfa á lokuðu formi
Skrifað af mou | September 30, 2008
Fyrirlesari: Gísli Herjólfsson
Titill: Hagnýt stýrikerfi byggð á tímasvörunum kerfa á lokuðu formi.
Staður: Háskóli Íslands, VRII stofa 157, 16:30 Mánudaginn 6. Október.
Útdráttur: Segja má að verkfræði snúist að miklu leyti um að skilja og hafa stjórn á efnum og kröftum náttúrunnar í okkar þágu. Stýritækni felur í sér að kerfisgreina þessa þætti og stýra þeim. Hagnýta stýritækni er að finna alls staðar í kringum okkur allt frá flóknustu tækjum, niður í einföldustu áhöld. Á síðustu árum hefur rannsóknarteymi í stýritækni við rafmagns- og tölvuverkfræðideild unnið að lausnum á bestunarstýringum og líkanssmækkunum kerfa með því að nota lokuð form tímasvarana þeirra. Í fyrirlestrinum verður fjallað um stýritækni almennt, þá vinnu sem unnin hefur verið við rafmagns- og tölvuverkfræðideild Háskóla Íslands í stýritækni og doktorsverkefni Gísla Herjólfssonar; „Hagnýt stýrikerfi byggð á tímasvörunum kerfa á lokuðu formi”.
Gísli Herjólfsson útskrifaðist með BS og MS próf frá rafmagns- og tölvuverkfræðideild Háskóla Íslands vorið 2004.
Hann stundar nú PhD nám í stýritækni við sömu deild
Flokkur: Óflokkað | Engin ummæli »
Topics: Óflokkað | No Comments »